Путин Тоқаевты жаңа Конституцияның қабылдануымен құттықтады

Альфия Адамбек
cover Фото: Ақорда

Ресей президенті Владимир Путин Қазақстан басшысы Қасым-Жомарт Тоқаевты жаңа Конституцияға қатысты  өткен референдумның сәтті аяқталуымен құттықтады, деп хабарлайды Orda.kz. 

Бұл туралы Кремльдің баспасөз қызметі мәлімет таратты. 

«Құрметті Қасым-Жомарт Кемелұлы, Қазақстан Республикасында жаңа Конституцияға қатысты сәтті өткен референдуммен шын жүректен құттықтаймын. Халықтық дауыс берудің нәтижелері сіздің мемлекеттік институттарды нығайту және елдің тұрақты әлеуметтік-экономикалық дамуын қамтамасыз ету бағытындағы жүргізіп отырған саясатыңызға кең қолдаудың бар екенін толық көрсетті»  деп жазылған Путиннің Тоқаевқа жолдаған телеграммасында.

Ресей президенті «Қазақстандағы конституциялық реформалардың біздің мемлекеттер арасындағы одақтастық және жан-жақты стратегиялық серіктестікті одан әрі нығайтуға ықпал ететініне» үміт білдірді.

Айта кетейік, бірнеше сағат бұрын Тоқаевты алғаш болып Өзбекстан президенті құттықтаған еді. 

Оқи отырыңыз:

Жаңалықтар

барлық жаңалықтар

22.12.2020 жылы берілген
№KZ05VPY00030397 мерзімді баспасөз басылым және ақпараттық агенттік
тіркеу туралы куәлік.

© ORDA, . Пайдалану ережелері