Президент сенбілікке қатысты

Мемлекет басшысы «Таза Қазақстан» экологиялық акциясы аясында елордадағы Ұлытау аллеясында қалалық сенбілікке және ағаш отырғызуға қатысты, деп хабарлайды Orda.kz.

Сенбілік барысында Қасым-Жомарт Тоқаев жастармен әңгімелесіп, елорданы одан әрі көгалдандыру және абаттандыру жоспарымен танысты.

Бұл акцияға волонтерлар, «Жастар» Ассамблеясы ұйымының өкілдері, белсенді ғылыми, шығармашыл, спортшы жастар, алдағы V Дүниежүзілік көшпенділер ойындарына қатысушылар, Президенттік жастар кадрлық резервінің мүшелері де қолдау көрсетті.

Мемлекет басшысы сондай-ақ Ботаникалық бақты аралап, жалпықалалық сенбілікке қатысып жатқан тұрғындар мен елордалық коммуналдық кәсіпорындардың қызметкерлеріне алғысын білдірді.