Полиция Орал қаласы тұрғынынан 12 келіден астам есірткі тәркіледі

Батыс Қазақстан облысы Орал қаласының 39 жасар тұрғыны ұсталды, оның үйінен 12 келіден астам есірткі табылды, деп хабарлайды Orda.kz.

Тінту кезінде полиция қызметкерлері оның үйінің шатырынан үш жәшік пен екі пакет өсімдік затын, сондай-ақ 39 бұта тауып алды. Сараптама бұл жалпы салмағы 9,68 келі болатын сора тектес, құрамында есірткі бар өсімдік екенін анықтады.

Бұдан басқа, тәркіленген кептірілген марихуананың салмағы 2,77 келі шықты. Осылайша, күдік тудырған шөптің жалпы салмағы 12 келіден асты.

Полиция хабарлағандай, ұсталған адамның өзі айғақ берген. Факті бойынша сотқа дейінгі тергеу қозғалды.

Қостанай облысының полициясы такси сервисі атын жамылып,  жеңгетайлықпен және интимдік қызмет көрсетумен айналысқан ұйымдасқан қылмыстық топ қызметін тоқтатты.