Полицейлер іздеуде жүрген 58 қылмыскерді ұстады

Жыл басынан бері Ішкі істер министрлігінің жедел қызметі мен  бөлімшелері 58 қылмыскерді анықтап, ұстады. Олардың арасында ауыр және аса ауыр қылмыс жасағаны үшін іздеуде жүргендер де бар. Бұл туралы Polisia.kz сілтеме жасап Orda.kz хабарлайды.

Ішкі істер министрлігі криминалдық полиция басқармасы бастығының орынбасары Руслан Назаровтың айтуынша, атап айтқанда, Ақтау полицейлері өткен жылдың қараша айында дәмханалардың бірінде жанжал салдарынан мас күйінде жергілікті тұрғынды ұрып-соғып, қашып кеткен  қала тұрғынын ұстады.  Жәбірленуші ауыр халде ауруханаға жеткізілген.

Өзбекстанның Үшқорған қаласында жергілікті тәртіп сақшылары Алматы облысы ІІД криминалдық полиция қызметкерлерімен бірлесіп, екі рет өлтіргені үшін іздеуде жүрген осы елдің азаматын ұстады. 2012 жылы Алматы облысы Еңбекшіқазақ ауданында жұмыс істеп жүрген ер адам мас күйінде зейнеткерлердің үйіне заңсыз кіріп, кісі өлтіріп, ақша ұрлаған.

Елордалық полицейлер қостанайлық әріптестерімен бірлесіп 2020 жылы Астанада салынатын тұрғын үй кешеніне қаржы тартып,  пәтерлерді брондау үшін ақша алған екі басшымен бірге ЖШС-ің бірінің директоры мен құрылтайшысын ұстады. Бұған дейін де полицейлер тергеу жүріп жатқан ЖШС-тердің 144 үлескердің 4 миллиард теңгеден астам ақшасын жымқырғанын анықтаған.

Сонымен қатар, республиканың криминалдық полиция қызметкерлері із-түссіз жоғалып кеткендер қатарындағы 30 адамның мекен-жайын анықтады.