Петицияларға қол қою eGov ұялы телефоны арқылы қолжетімді

Жыл соңына дейін қазақстандықтар eGov mobile арқылы петицияға қол қоя алады. Бұл туралы 12 шілдеде өткен брифингте Мемлекеттік қызметтер көрсету комитетінің төрайымы Айнұр Юсупова айтты, деп хабарлайды Orda.kz.

Бұл мүмкіндік қазір белсенді түрде тексерілуде.

«Қағаз өтініштерді қабылдау үшін бізде шешуді қажет ететін бірқатар міндеттер бар. Азаматтардан да сауалдар түсіп жатыр. Біз оларды біріктіріп, кезең-кезеңімен жүзеге асырудамыз. Жыл соңына дейін іске қосылады деп нақты айта аламын», - деп түсіндірді мемлекеттік қызмет көрсету комитетінің басшысы.

Естеріңізге сала кетейік, бүгінгі күні компьютерде ЭСҚ кілтін пайдаланып, ePetition порталында петицияларға қол қоюға болады.