Павлодар облысында жол-көлік оқиғасынан үш ересек адам мен бір бала қаза тапты

Павлодар облысында жол-көлік оқиғасынан төрт адам қаза тапты, деп хабарлайды Orda.kz Павлодар облысының ПД сілтеме жасап.     

«19 сәуірде «Қалқаман-Керней» автожолының 250-ші шақырымында Баянауыл ауданының Бірлік ауылына жақын жерде Pontiac және Lada Granta автокөліктері соқтығысты. Алдын ала мәлімет бойынша, жол-көлік оқиғасына автокөліктердің бірі қарсы қозғалыс жолағына шығып кеткені себеп болған»,  деп хабарлады жексенбі күні Павлодар облысы полиция департаментінің баспасөз қызметі. 

Апат салдарынан екі жүргізуші де, екі жолаушы да, көліктегі жас бала да оқиға орнында көз жұмған. Тағы бір бала ауруханаға жеткізілді.

Аталған факті бойынша қылмыстық іс қозғалды. Оқиғаның мән-жайы анықталып жатыр.