Павлодар облысында әкім фельдшермен төбелесті

Павлодар облысы Қоянды ауылдық округінің әкімі даудың ортасында қалды, деп хабарлайды Orda.kz.

Дереккөздердің мәліметінше, Қоянды ауылдық округінің әкімі Ержан Оразалимов медицина қызметкерімен төбелескен. Нәтижесінде Екібастұз қалалық ветстанция фельдшерінің миы шайқалған, тіпті бетінде соққы іздері қалған. 

Біз Павлодар облысының полициясына жүгіндік. Онда жанжалдың шынымен болғанын растады. Департаметтің берген жауабында әкім мен фельдшер арасындағы жанжал іс-шарада болған.

«Жағдай тұрмыстық сипатта болды және олардың кәсіби қызметімен байланысты емес. Қақтығысқа қатысушылар өзара татуласты, бір-біріне ешқандай арыз-шағымдары жоқ», – деп түсініктеме берді департамент. 

Еске сала кетейік, Хуторлық Хасанның сотында екі тараптың мүддесін қорғаушыларды сот залынан шығарып жіберіп, құпия куәгерден жауап алынды. Ал ол куәгердің кім екені беймәлім.