Павлодар облысында 12 жастағы қарындасын зорлаған студентке үкім шықты

Павлодар облысында 17 жастағы колледж студенті 12 жастағы туыс қарындасын зорлағаны үшін сотталды, деп хабарлайды Orda.kz. 

Іс материалдарына сәйкес, ер бала қыздың жақын туысы болып шықты. Әрі олар бір үйде тұрған. Бұл іске қатысты сот отырысы жабық өтті. Жігіт «Зорлау» және «Сексуалдық сипаттағы зорлық-зомбылық әрекеттері» бойынша кінәлі деп танылды. Сот шешімімен студент 10 жылға бас бостандығынан айырылды. Жігіттің 17 жаста болғаны және 2-топ мүгедектігі бары жазаны жеңілдетті. 

Облыстық балалар құқықтары жөніндегі уәкіл Сәуле Шәкенева сот шешімін әділ деп санады.