Павел Дуров Қазақстанға шақырылды

Цифрлық даму министрі Жасұлан Мәдиев журналистерге Павел Дуровтың Қазақстанға сапары мүмкін екендігі туралы айтты.

Мәдиевтің айтуынша, ол Telegram негізін қалаушымен әлі жеке таныс емес, бірақ оның командасымен байланысы бар.

«Павел Дуров Қырғызстанға барып, Ыстықкөлде болғаны белгілі. Оған менің және әріптестерімнің шақыруын жеткізді. Болашақта ол Қазақстанға келеді деп сенемін. Мен мұны жеке өзім ұйымдастыруға тырысамын. Енді біріккен зертханаларды іске қосу, басқа да бастамалар сияқты талқыланатын тақырыптар бар.

Telegram – жоғары технологиялық компания, олар жақында блокчейн технологиялары және крипто индустриясы саласында жұмыс істейтін компаниялармен ынтымақтастық туралы жариялады. Менің ойымша, бізде талқылайтын нәрсе жетерлік», – деді Мәдиев.

Министр Мәдиев Дуровпен жоғары технологиялық жобаларды талқылауға үміттенетінін және бұл бағытта белсенді жұмыс істеуге ниетті екенін қосты.