Өскеменде қайтыс болған ер адам 4 адамның өмірін сақтап қалды

Шығыс Қазақстан облысында 39 жасында инсульттан қайтыс болған азаматтың ағзасы 4 адамға салынды, деп хабарлайды Orda.kz.

Марқұмның туған-туыстары ағза алмастыру бойынша келісім берген. Алты сағат операциядан кейін ішкі ағзалар санавиация арқылы Астанаға жеткізілген.

Нәтижесінде 39 жастағы азаматтың бір бүйрегі 9 жастағы қызға, екінші бүйрегі 58 жастағы азаматқа салынды. Ал жүрегі мен өкпесі кезекте тұрған ауыр науқастарға трансплантациялауға жарады. 

Мамандардың айтуынша, қазір елімізде ағза ауыстыру үшін 4080 науқас кезекте тұр. Тек Шығыс Қазақстанның өзінде 300 адам бар.