«Орысша сөйле»: Темірлан Еңсебектің соты жанжалмен басталды

Сатиралық «QazNews» парақшасының авторы Темірлан Еңсебектің сот отырысы басталды, деп хабарлайды Orda.kz.

Сот отырысы ашық болғанымен,  журналистер мен құқық қорғаушыларды сот залына кіргізбеді. Темірланның жақтастары сыртта тұрып  «Ашық сот!» , «Темірланға бостандық!» деп айқайлап жатыр. 

Оған қоса, уәде еткендей Темірлан Енсебекті сот залына келмеді. Ол уақытша изоляторда отырған жерінен бейнебайланыс арқылы қатысты.

Темірлан Еңсебектің әкесі судьяға қазақша сөйледі, судья сот орысша өтетінін айтып, орысша сөйлеуін талап етті.

Еске сала кетейік, Темірлан Енсебекке қатысты алғашқы сот отырысы 27 ақпан күні Алматының Алмалы аудандық сотында басталды. Алайда сот отырысы кенеттен Наурызбай аудандық сотына ауысты.