Оңтүстік Кореяда заңсыз жүрген қазақстандықтар өз еркімен елден кете алады

Оңтүстік Кореяда заңсыз жұмыс істеген қазақстандықтар үшін ережелер жеңілдетілді, деп хабарлайды Orda.kz. 

Енді олар елден айыппұлсыз және қайта кіруге тыйым салынбай кете алады.

Еңбек министрлігінің хабарлауынша, ерікті түрде елден шығу бағдарламасы 2025 жылдың желтоқсанынан 2026 жылдың ақпанына дейін жұмыс істейді. Осы кезеңде заңсыз мәртебесі бар қазақстандықтар Кореядан ешбір қиындықсыз кете алады.

Бірақ жеңілдік бәріне бірдей қарастырылмаған. 2025 жылғы 1 желтоқсаннан кейін қылмыстық құқық бұзушылық жасағандар, мәжбүрлеп шығарып жіберілетіндер немесе заңсыз мәртебеге ие болғандар рақымшылыққа ілікпейді.

Айта кетейік, журналистер Қазақстанның бұрынғы қаржы полициясының басшысы және экс-прокуроры Қайрат Қожамжаровты Мәскеуде жүрген жерінде суретке түсіріп алды.