Олимпиада-2026: Қазақстан құрамасы шаңғы акробатикасынан жетінші орын алды

Италияда өтіп жатқан 2026 жылғы қысқы Олимпиада ойындарында қазақстандық фристайлшылар жарысты медальсыз аяқтады,  Қазақстан құрамасы шаңғы акробатикасынан жетінші орын алды, деп хабарлайды Orda.kz.

Сенбі күні аралас командалар арасындағы турнир басталды. Жарысқа жеті ұлттық құрама қатысып, әр команданың сапында үш спортшыдан өнер көрсетті.

Қазақстан атынан Аяна Жолдас, Роман Иванов және Асылхан Асан сынға түсті. Іріктеу кезеңінде әр спортшы бір-бір секіруден орындады. Жолдас пен Иванов құлап қалды, ал Асанның әрекеті нәтижелі болды.

Қорытындысында 213,93 ұпай жинаған Қазақстан құрамасы жетінші орынға тұрақтап, финалға шыға алмады. Финалдық кезеңге ең үздік төрт команда жолдама алды. Медаль үшін күресті АҚШ, Қытай, Австралия және Швейцария спортшылары жалғастырды.

Оқи отырыңыз:  

• Олимпиада-2026: 21 ақпанда Қазақстан атынан кімдер жарысқа шығады
• «Отаныма разымын»: Шайдоров Қазақстан халқына ризашылығын білдірді
• Жапаров досына не үшін ренжіді: Қырғызстан ҰҚК беделі түсіп кетті