«Offside» сериалы YouTube платформасынан өшірілді

Қазақстандық «Offside» сериалына боттар шабуыл жасап, нәтижесінде жоба YouTube платформасынан өшірілді, деп хабарлайды Orda.kz.

Сериалда қазақ футболындағы көлеңкелі тұстар, яғни спорт саласындағы әділетсіздік пен билік пен қаржының ықпалы ашық көрсетіледі.

«16 қазан күні YouTube-тегі «Пацанские истории» арнасына жаппай бот-шабуыл жасалды. Соның салдарынан «Offside» сериалының алғашқы бөлімі платформадан өшірілді. Сонымен қатар сериал авторы Рүстем Омаровтың Instagram парақшасы бұғатталды», – деп хабарлады Salem Entertainment өкілдері.

Қазір жоба авторлары сериалдың жалғасын көрсету үшін жұмысты жалғастырып жатыр.

Еске салайық, бұған дейін Қаржылық мониторинг агенттігі блогер Ерболат Жанәбілов пен оның жұбйына қатысты қылмыстық іс қозғады.