Нұртілеу мен Гаджиевпен бірге ұсталған ҰҚК-нің жоғары лауазымды қызметкерлері кім екені белгілі болды

Қазақстан билігі мен бірнеше медиа ресурстар сыртқы істер министрі Мұрат Нұртілеу мен кәсіпкер Гаджи Гаджиевтің ұсталғаны туралы ақпаратты жоққа шығарды, деп хабарлайды Orda.kz.

Сонымен қатар «жалған ақпарат таратқандар қылмыстық жауапкершілікке тартылатыны» ескертілді.

Алайда  тәуелсіз дереккөздердің нақты мәліметіне сүйенсек, Нұртілеу мен Гаджиевпен бірге Ұлттық қауіпсіздік комитетінің бірнеше жоғары шенді қызметкерлері ұсталған. Олардың арасында ҰҚК төрағасының орынбасары, бұрынғы сыртқы барлау қызметінің директоры Асқар Амерханов, сондай-ақ есімдері көпшілікке белгілі болған Алтай Жақанбаев пен Мейрам Қаратаев бар.

Жақанбаев пен Қаратаев Киевте журналист Айдос Садықовқа жасалған қастандықтан кейін жиі атала бастады. Бұл олардың ұсталуына Садықовтың өлімі мен ҰҚК сыртқы барлау қызметі директорының орынбасары Бауыржан Алпысовтың қазасы себеп болуы ықтимал деген болжамды күшейте түсті.