Нұрғиса Тілендиевтің жүз жылдық мерейтойына арналған мурал ашылды

Алматы облысына қарасты Қарадала төсіндегі Шонжы ауылында қазақтың атақты композиторы, дирижері және домбырашы бейнеленген арт-нысан пайда болды, деп хабарлайды Orda.kz Алматы облысы әкімдігіне сілтеме жасап.

Қазақтың  біртуар өнер қайраткерінің бейнесі көпқабатты үйдің қасбетіне салынған. 

Нұрғиса Тілендиев – қазақ музыкасында жарқын із қалдырған айтулы күйші. Ол «Аққу», «Махамбет», «Қыз Жібек» сияқты аты аңызға айналған шығармаларды халық мұрасы ретінде қалдырды. «Отырар сазы» оркестрінің негізін қалаушы ретінде еліміздің бай музыка мәдениетін әлемге танытты.