Нотр-Дамда өрттен кейін алғаш рет концерт өтті

Нотр-Дам соборы бір жарым жыл бұрын өрттен қатты зардап шеккен болатын, деп хабарлайды ORDA. Reuters-ке сілтеме жасап.

Нотр-Дам өрттен кейінгі алғашқы концертін өткізді. Концертке 20 әнші, екі солист және органист қатысты. Собор әлі қалпына келтіріліп жатқандықтан және пандемия кезіндегі қатаң ережелерге сәйкес, өнерпаздар құрылыс шлемі мен арнайы киім киген. Шіркеу музыканттарының қойылымы теледидардан көрсетілді.

Хор әншілері Моцарт пен Шуберттің классикалық шығармаларын, сондай-ақ мерекелік репертуар ішінде жаңа жылдық шырылдауларды орындады. Ұзақ уақыт бойы басқа шіркеулерде ән айтуға мәжбүр болған Нотр-Дам соборының хоры үшін бұл өздерінің туған шіркеулерінің қабырғаларында алғашқы бірлескен қойылым болды.

«Бұл өте әсерлі. Біз өрттен кейін бірінші рет Нотр-Дам соборына оралдық. Осы сәт эмоцияларға толы болды», - деді виолончелист Готье Капукон.

2019 жылдың 15 сәуірінде Нотр-Дам тарихындағы ең ірі өрт болды. Құтқарушылар тоғыз сағаттан астам уақыт бойы өртті сөндірді. 2020 жылы Франция президенті Эммануэль Макрон Нотр-Дам соборын бес жыл ішінде қалпына келтіруге ниет білдірген.