Netflix Қазақстанда реалити-шоу түсіреді

 Жобаның түсірілімі  20-30 мамыр аралығында оңтүстік астанада өтеді.

Бұл туралы Алматы әкімдігі хабарлады.

Әлемге әйгілі Netflix стримингтік платформасы Қырғызстан мен Қазақстанда туристік реалити-шоу түсірілетінін хабарлады.

«Әлемдік ойын-сауық индустриясындағы ең ықпалды компания Netflix өзінің реалити-тур шоуын өткізу орны ретінде Алматының әсем таулары мен қырғыз табиғатын таңдады, деп хабарлайды Алматы әкімдігінің баспасөз қызметі.

Алматының туристік бюросы түсірілім еліміздің танылуына және туристік әлеуетін арттыруға үлкен маңыз беретінін атап өтті.

Netflix аудиториясында бүкіл әлем бойынша жарты миллиардтан астам адам бар. Netflix-тің 270 миллионға жуық ақылы жазылушысы бар.