Назарбаеваның рухына құран оқылып, ас берілді

Алматыда демалыс күндері Қазақстанның тұңғыш президентінің келіні – Светлана Назарбаеваны жақындары еске алып, ас берді, деп хабарлайды Orda.kz.

Жиналғандар арасында Қайрат Сатыбалды болды. Алайда оның туған інісі Самат Әбіш шараға қатыспады.

Светлана Мырзахметқызы өмірін педагогика мен баспа ісіне арнады. Ол Алматы облысындағы Лепсі ауылында дүниеге келген. Абай атындағы Қазақ педагогикалық институтын тәмамдап, педагогика ғылымы бойынша кандидаттық диссертация қорғаған. Еңбек жолын орыс тілі мен әдебиеті пәнінің мұғалімі болып бастап, кейін мектеп пен гимназияны басқарған. Сегіз оқулықтың авторы.

2003 жылдан бастап «Республикалық полиграфиялық баспа кешені “Дәуір”» мекемесін басқарған.

Айта кетейік, 2025 жылдың 10 қаңтарында Қасым-Жомарт Тоқаев бұрынғы президенттердің және олардың отбасыларының денсаулығы мен жеке өміріне қатысты ақпаратты мемлекеттік құпияға жатқызатын заңға өзгерістер енгізді. Ал Қазақстанда бұрынғы президент әзірге тек Нұрсұлтан Назарбаев болғандықтан, жаңа норма нақты оған қатысты енгізілгені айдан анық. Бұл заң кімнің мүддесіне қарай қабылданғаны жайлы Orda.kz тілшілері саралап көрді. Толығырақ материалымыздан оқи аласыздар.