Назарбаев мектебіндегі дау: Сұңқар басқа мектепке ауысады

Назарбаев Зияткерлік Мектебінің басшысы Әнуар Жанғозин болған жағдайға байланысты оқушының өзімен, оның ата-анасымен, оқу-ағарту министрлігінің өкілдерімен, өңірлік бала құқықтары жөніндегі уәкіл және қоғамдық кеңестің мүшелерімен кездесті, деп хабарлайды Orda.kz.

Бұл туралы ол өзінің Facebook парақшасына жазды және ол шешім еш өзгеріссіз қалатынын мәлімдеді.

«Кездесу барысында бұған дейін қабылданған шешім қайта қаралып, тараптар өзара түсіністікке келді. Назарбаев Зияткерлік мектебі өз шешімін өзгертпейді. Оқушы мектептен шығарылып, мемлекеттік жалпы білім беретін мектепке ауыстырылды. Оқушының ата-анасы тарапынан ешқандай қарсылық жоқ», – деп жазды Жанғозин. 

Жанғозин бұл оқиғада қоғамның мәселеге бей-жай қарамай, белсенділік танытқанына алғыс білдірді.

Еске сала кетейік, бұған дейін саясаттанушы Ғазиз Әбішев бұл жағдайда кімнің дұрыс екенін және оқудан шығарылған жасөспірімді қорғау керек пе, жоқ па, тоқетерін айтқан болатын.