Наурызда өтетін матчтарға қатысатын футболшылардың тізімі белгілі болды

Қазақстан футбол құрамасының бас бапкері Талғат Байсуфинов наурыз айында өтетін турнир матчтарына қатысатын ойыншылардың соңғы тізімін жариялады, деп хабарлайды Orda.kz.      

Өтінімге 26 футболшы енді:

Қақпашылар: Темірлан Анарбеков («Қайрат»), Мұхамеджан Сейсен («Астана»), Бекхан Шайзада («Ордабасы»).

Қорғаушылар: Сергей Малый («Ордабасы»), Александр Мрынский, Александр Широбоков, Еркін Тапалов (барлығы – «Қайрат»), Нұралы Әліп («Зенит», Ресей), Ян Вороговский, Әлібек Қасым (екеуі де – «Астана»), Арсен Аширбек («Елімай»), Мейрамбек Қалмырза («Тобыл»), Әділет Кенесбек, Сағи Совет (екеуі де – «Қайсар»).

Жартылай қорғаушылар: Рамазан Оразов («Елімай»), Айбол Әбікен («Қайсар»), Исламбек Қуат («Жеңіс»), Дінмұхамед Қараман («Астана»).

Шабуылшылар: Дастан Сәтпаев («Қайрат»), Ғалымжан Кенжебек, Максим Самородов (екеуі де – «Ахмат», Ресей), Ислам Чесноков («Хартс», Шотландия), Жаслан Жұмашев («Тобыл»), Иван Свиридов («Елімай»), Артур Шушеначев («Ақтөбе»), Нұрдәулет Ағзамбаев («Қайсар»).

Сонымен қатар жаттықтырушылар штабына кімдер кіретінін де айта кетейік: Талғат Байсуфинов - бас жаттықтырушы, Иван Азовский - бас жаттықтырушының ассистенті, Марат Есләмов - бас жаттықтырушының ассистенті, Елдос Ахметов - бас жаттықтырушының ассистенті, Юрий Новиков - қақпашылар жаттықтырушысы, Мұхтар Ерімбетов - дене шынықтыру жаттықтырушысы, Тимур Құсайынов - талдаушы, Нұрлан Биттоғұлов - дәрігер, Бауыржан Абаев - физиотерапевт, Біржан Оразғалиев - физиотерапевт, Алексей Ильяшин - массажист, Евгений Карнаухов - массажист, Қуаныш Мұханбет - менеджер, Михаил Әубәкіров - администратор, Максим Шауберт - кит-менеджер.

Ел футболы тарихындағы ең үздік көрсеткіш осыдан бір ай бұрын тіркелді, әтиже 97-ші орын болды. Ал, ең төменгі нәтижені 1996 жылғы мамыр айындағы рейтингтен көруге болады, ол кезде Ұлттық құрама 166-шы сатыда болған.

Еске салсақ, 16 наурызда Қазақстан Премьер лигасының ІІ турында «Қайрат» футбол клубы «Ақтөбені» қабылдады. 1:0 есебімен «Қайрат» өз алаңында «Ақтөбені» жеңді.

Алматылық клуб келесі ойынын талдықорғандық «Жетісу» клубына қарсы кездеседі. Қос клуб арасындағы матч Талдықорған қаласында 21 наурыз күні өтеді.

Оқи отырыңыз:

• «Қайрат» өз алаңында «Ақтөбені» тізе бүктірді
• Жасанды интеллект Қазақстан Премьер-лигасының 2026 жылғы футбол маусымы күнтізбесін жасады
• «Қайрат» ФК дәрігері Астана әуежайында бомба туралы қалжыңдаймын деп жауапқа тартылды