«НАТО-ға қарсы әрекет етті»: Польшада Қазақстан азаматы ұсталды

Польшада тыңшылық ісі бойынша қамауға алынған қазақстандық азамат Украинадағы ҚР елшілігінде 1,5 жұмыс істеген, деп хабарлайды Orda.kz.

Elmedia мәліметінше, ұсталған қазақстандық азаматтың дипломатиялық иммунитеті тек Украина жерінде ғана болған екен.

«Бұл — Б. Әнуар (орынды себептерге байланысты тегін атамаймыз). Оның дипломатиялық иммунитеті тек Украина аумағында ғана күшінде болды. Алайда оны басқа елде ұстауға және айып тағуға ештеңе кедергі болған жоқ», — деп жазды басылым.

Orda.kz сыртқы істер министрлігі мен қорғаныс министрлігіне ресми сауал жолдады.

Тамыз айының басында Польша билігі посткеңестік азиялық елдердің бірінен келген дипломатты ұстағанын хабарлаған еді. Алайда, нақты қай мемлекет екені сол кезде нақтыланбады. Екі күн бұрын оның Қазақстан дипломаты екені белгілі болды. Оған Польша мен оның НАТО бойынша одақтастарына қарсы тыңшылық жасады деген күдік келтірілуде.