Нұр-Сұлтандағы базар сатушылары митингіге шықты

Нұр-Сұлтандағы құрылыс нарығында сауда жасайтын кәсіпкерлер «бейресми» жарна төлеуге міндеттелді. Жарна құны – 500 мың теңге.

Бұл туралы Orda.kz «Астана» телеарнасына сілтеме жасап хабарлады.

Саудагерлердің айтуынша, базардың жаңа қожайындары сауда орындарын жалға алу шарттарын қайта қарағысы келеді. Бутик иелері пайдалы және қол жетімді жерден айырылғылары келмейді. Бірақ олар пара беруден бас тартып отыр.

– Бұл отбасы, балалары, салықтары бар жүзден астам адам. Осының арқасында біз қазынаны толықтырамыз. Қазір жалдау төлемін төмендету үшін қолдау сұраймыз. Көшеде қанша адам қалады? - дейді кәсіпкер Меруерт Қалиева.

Өз кезегінде, нарық басшылығы адамдарды «есептегішке қойғанын» жоққа шығарды. Ереуілден кейін әкімшілік пандемияның соңына дейін ескі шартпен жұмыс істеуге мүмкіндік беріп, жалдау ақысын көтермеуге шешім қабылдады.

– Олардың басқа компаниямен келісімшарттары болған. Барлығы өзгеріссіз қалады. Қандай сомалар мен келісімшарттар болғанын біз тек жеке кездесуде біле аламыз, - деді құрылыс нарығының директоры Руслан Набиев.

Кәсіпкерлер жұмыс жағдайына да наразы. Олардың айтуынша, дәретхана, жылыту және басқа да қолайлы жағдайлар жоқ.