Мыңдаған қазақстандықтар ата-тегін қазақшалауда

Әңгіме ов, ев, вич, вна дегенді алып тастап, ұлы, қызы деген жалғауларды қосу жағдайлары туралы болып отыр, деп хабарлайды Orda.kz тілшісі.

Әділет министрлігінің ресми өкілі Талғат Уәлидің айтуынша, статистикалық мәліметтер бойынша Қазақстанда жылына орта есеппен 12 мың адам атын, әкесінің атын немесе тегін өзгертеді.

«Бұған заңмен тыйым салынбаған. Өйткені, өмірде әртүрлі жағдайлар болады, егер адамға өз есім-сойы ұнамаса, оны өзгерте алады», - деп қосты Уәли. 

Тегіңізді немесе атыңызды қалай өзгерту керектігі туралы бұрын жазғанбыз.