Mudarabah Capital ісінде күдікке ілінген Шыңғыс Құрманғалиев қамауға алынды

«Тендерлік биржаның» басшысы Шыңғыс Құрманғалиев алаяқтық ісі бойынша тергеу изоляторына қамалды. Бұл туралы Orda.kz журналисіне жәбірленушілердің бірі хабарлады. 

Ақпаратты Алматы ПД растады.

Естеріңізге сала кетейік, Құрманғалиевтің есімі қаржы пирамидасы туралы істе аталды. Ел бойынша 500-ден астам адам оның «тендерлік биржа» жобасына инвестиция салып, алданып қалды. Жәбірленушілердің айтуынша, оларға екі айда 10% кіріс уәде етілген. Ал Шыңғыс Құрманғалиев мемлекеттік келісімшарттармен жұмыс істейтініне сендіріп, жалған жетістіктерімен алдаған. 

Шыңғыс Құрманғалиевтің өзі ешкімді алдамағанын, инвесторларға төлемдер дұрыс жүргізілгенін мәлімдеді. Ол төлем құжаттарына сілтеме жасап, кейбіреулер салған ақшасынан «үш есе көп» қаржы алды деп айтты. Оның айтуынша, 2024 жылы компания дағдарысқа ұшырап, салымшылардың бір бөлігі ақшасыз қалған.

Айта кетейік, СҚО-да әлі ашылу салтанаты өтпеген Міржақып Дулатұлының мемориалын қасақана қиратып кетті.