Мемлекеттік кірістер комитетінің төрағасы заңсыз бұйрықты орындағаны үшін айыппұл төледі

Астанада Мемлекеттік кірістер комитетінің төрағасы Жандос Дүйсембиев Әкімшілік құқық бұзушылық туралы кодекстің 457-бабы бойынша кінәлі деп танылып, 78 640 теңге айыппұл төлеуге міндеттелді, деп хабарлайды Orda.kz.

Сот Комитет кәсіпорындарға тексеріс жүргізу кезінде Әділет министрлігінде тіркелмеген бұйрыққа сүйенгенін анықтады. Құжат «қызметтік пайдалану үшін» деп белгіленгенімен, оның заңды күші болмаған.

Жандос Дүйсембиев — 2023 жылдан бері Мемлекеттік кірістер комитетін басқарады. Бұған дейін ол Қаржы министрлігінде түрлі басшылық қызмет атқарған.