«Марат Жыланбаевты қолдау» акциясы әлі де өз жалғасын тауып жатыр

Азаматтық белсенділер «Жыланбаевқа бостандық» деген жазуы бар плакаттармен суретке түсіп, әлеуметтік желіге салуларын тоқтатар емес. Олар 7 жылға сотталған белсендінің бостандыққа шығуын осы акция арқылы талап етті, деп хабарлайды Orda.kz тілшісі.

«Марат Жыланбаевты ойын еркін айтып, конститутциялық құқығын талап еткені үшін жабық сотта 7 жылға бас бостандығынан айырды. Бұл әділетсіздік жеті-ақ күнде ұмытылып кетуі мүмкін. Сол себепті, мен Марат Жыланбаев түрмеден босатылғанша күнде жүгіріп, қолдау көрсетемін деп шештім. Күнделікті есеп беріп, әлеуметтік желіде жариялап отырамын. Егер ол кісіні жеті жыл бойы жібермесе, онда мен жеті жыл бойы бір күн қалдырмай жүгіремін. Ол дегеніңіз 2555 күн. Тек басым аман, денім сау болсын!»  дейді белсенділердің бірі. 

Еске салайық Гиннес рекордтар кітабына енген, әлемнің ең ірі шөлдерін жаяу жүгіріп өткен супермарафоншы шерулерге қатысып, билікті сынағаны үшін саяси қудалауға ұшыраған болатын. Қазақстан соты «Алға Қазақстан» тіркелмеген оппозициялық партиясының жетекшісі – Марат Жыланбаевты 7 жылға соттаған болатын. 

Жыланбаевқа «экстремизмді қаржыландыру» және «экстремистік ұйымның ісіне араласу баптары бойынша айып тағылған.