Маңғыстау облысында есірткі жеткізумен айналысқан қылмыстық топ құрықталды

ҚР ІІМ Маңғыстау облысында апиын тобына жататын есірткі заттарын жеткізумен айналысқан 4 адамды ұстады, деп хабарлайды Orda.kz. 

Полиция мәліметінше, жергілікті 4 тұрғын қылмыстық топ құрып, заңсыз қызметпен айналысқан. Күдіктілердің үйін тінту кезінде 1,3 келі апиын және ірі көлемдегі ақша тәркіленді. Сарапшылардың мәліметінше, ауған текті апиын Маңғыстау облысында сирек кездесетін есірткі түрі.

Күдіктілердің қылмысы дәлелденсе 12 жылға дейін бас бостандығынан айырылуы мүмкін. Олар қазір уақытша ұстау изоляторына қамалды.

Оқи отырыңыз: 

• Шымкентте көшенің қақ ортасында бір топ жас жігіт жаға жыртысты
• Анапада техникумында студент атыс ашып, күзетші көз жұмды
• Алматыда бірнеше күдікті адам ұрлап бара жатқан жерінде ұсталды