Макрон мен оның жұбайы Брижит АҚШ сотына бірінші ханымның әйел екені жайлы дәлел ұсынбақ

Макрон мен оның жұбайы Брижит АҚШ сотына бірінші ханымның әйел екенін растайтын «ғылыми дәлелдер» ұсынуға ниетті, деп хабарлайды Orda.kz.

Франция президенті Эммануэль Макрон мен оның жұбайы Брижит сотқа бірінші ханымның әйел екені жайлы дәлелдер ұсынуды жоспарлап отыр. Бұл жайында Макрондар отбасының бас қорғаушысы Том Клэр BBC-дің Fame Under Fire подкастында мәлімдеді.

«Осындай дәлелдерді жария түрде көрсетуге мәжбүр болуының өзі оның көңілін қатты құлазытады. Бірақ ол жағдайды айқындап, бәрін орнына қою үшін қолдан келгенін жасауға әзір», – деді Клэр. 

Макрондар Кэндис Оуэнстің айтқан сөздері жалған екенін дәлелдеуге дайын.

Айта кетейік, бұған дейін америкалық журналист Оуэнс: «Брижит Макронның әуелде ер адам болып туды» деп мәлімдеген еді. Осыдан кейін президент пен оның жұбайы сотқа шағым түсірді. 

Ал француз саясаткері Флориан Филиппоның пікірінше, Макрон әдейі Брижиттің жынысын ауыстыруы мүмкін деген ақпаратты өршітіп отыр.

Еске сала кетсек, бұған дейін әлеуметтік желілерде Франция президенті Эммануэль Макронның президенттік ұшақ бортында жұбайынан шапалақ жеген бейнежазбасы тараған еді.