Майкл Джексонның бағын ашқан продюсер 91 жасында дүние салды

Майкл Джексонның әндеріне продюсерлік жасаған әйгілі америкалық Куинси Джонс 91 жасында өмірден өтті, деп хабарлайды Orda.kz.

Әйгілі продюсердің дүние салғанын алғашқылардың бірі болып People.com мәлімдеді.

Ғасырға жуық өмір сүріп, джаз жанрының аңызына айналған Куинси Джонс — «Грэмми» сыйлығына 80 рет номинацияланған музыкант.

Продюсер ретінде Джонс көптеген музыкалық тұлғалардың бағын ашты. Соның ішінде Фрэнк Синатра, Майкл Джексон, Пол Саймон, Арета Франклин және басқалардың әлемдік аренада танымалдылыққа ие болып, табысқа жетуіне ықпал еткен тұлға. Өзінің сан алуан жетістіктерінің арасында ол 1982 жылы Джексонның культтік хиті «Beat It» әні мен тарихтағы ең көп сатылған музыкалық альбомы — «Thriller»-ге продюсерлік жасаған.

Facebook әлеуметтік желісінде Джонстың қызы Мартина Джонс әкесіне деген шынайы алғысын білдірді..

«Мен әкемізге 30-шы жылдардағы ұлы депрессия кезінде бізді тоқшылықта ұстап, баспанамызды сақтап қалу үшін тынымсыз еңбек еткені үшін алғысымды айтамын. Менің ойымша, бала мен әке арасындағы сенімді қарым-қатынас орнату әкеден басталады. Балаңызды қанатыңыздың астына алып, мейірім таныту ешқашан кеш емес», — деп жазды проюдсердің қызы.