Майқайыңда шұңқырға құлаған автобус 7 айдан кейін табылды

Жер опырылып, шұңқырға құлаған автобус апатының іздеу жұмыстары жалғасуда.

Бұл туралы Павлодар облысы әкімінің баспасөз қызметі хабарлады.

«Майқайың-алтын» АҚ тау-кен ауданындағы опырылған жерде іздестіру жұмыстары жалғасуда. 24 шілде кешкі уақытта қазба жұмыстары кезінде құтқарушылардың автобусы табылды. Ауа-райының қолайсыздығына және топырақтың құлау қаупінің сақталуына байланысты жұмыстар аса сақтықпен жүргізілуде. 55 жастағы төртінші құтқарушы, жүргізуші Айып Тілеубергеновтің денесі әлі табылған жоқ. Жақын арада іздестіру жұмыстары нәтиже береді деген үміттеміз» деп мәлімдеді баспасөз қызметі.

Бүгін таңғы сағат 05.00-ден бастап іздестіру жұмыстары қайта жанданды. Қазіргі уақытта көліктің алдыңғы бөлігіне дейін жету мүмкін болып, бампері мен доңғалағы көрінді.