«Маған көбірек алтын керек»: WSJ Пригожиннің Африкаға соңғы сапары туралы жазды

«Вагнер» тобының негізін қалаушы Евгений Пригожин Африкадағы «соңғы күндерін» болашақты жоспарлаумен және өзінің сәтсіз «Мәскеуге жорығынан» кейін әлі де бақылауда екенін дәлелдеуге тырысты. Wall Street Journal (WSJ) дереккөздерге сілтеме жасай отырып, кәсіпкердің «соңғы сапары» туралы айтады.

Евгений Пригожин Орталық Африка Республикасының президентімен апаттан бір апта бұрын кездесіп, Суданның жедел әрекет ету күштерінен алтын құймаларды сыйлыққа алған.

Келесі күні судандық жедел әрекет ету күштерінің бес қолбасшысы мінген тікұшақ сарай маңына қонды. Олар әлі күнге дейін «Вагнер»   жалдамалыларының көмегімен Судан қарулы күштерімен қақтығысқа қатысуда. Командирлер Пригожинге сыйлық ретінде оның жалдамалылары Суданның батысында қорғаған кеніштерден алынған алтын құймаларды жеткізді. ПМК басшысы сыйлыққа былай деп жауап берді:

«Маған көбірек алтын керек».

Кейінірек, газеттің хабарлауынша, Пригожиннің Ресей қорғаныс министрлігіндегі қарсыластары биліктің шақыруымен Ливияға келген. Олар ресейлік барлау офицерлері мен жаңа жалдамалы фирма енді Бенгазиде орналасады деп келісті. Ол сол бұрынғы  жауынгерлермен «Вагнер» негізінде құрылады.

Шамамен сол уақытта Пригожин Малиге тоқтап, Ресейге қайта оралды:

«Вагнер» тобының негізін қалаушы Пригожиннің Тверь облысындағы ұшақ апатынан қайтыс болғаны 23 тамыз күні кешке белгілі болды. Пригожинге тиесілі Embraer Legacy 600 ұшағы құлаған жерде  ұшақта болған 10 адамның барлығының мәйіті табылды.