Қырғызстанда жаңа әнұранның 5 нұсқасы таңдалды

Қырғызстанда жаңа әнұранның мәтіні жазылған 5 нұсқа таңдалды. Енді мемлекеттік әнұранның жаңа мәтініне сәйкес әні жазылмақ. Көрші елде осыған байланысты байқау жарияланды, деп хабарлайды Orda.kz. 

Бұл туралы Қырғызстанның Мәдениет, ақпарат және жастар саясаты министрлігі хабарлады. Байқаудың екінші кезеңі бойынша, осы 5 мәтінге композиторлар мен әншілер өздерінің жазған музыкаларын ұсынуы керек. Байқау 8 қыркүйекке дейін жалғасады.

Комиссия Жоғарғы кеңестің қарауына 3 әнұран нұсқасын жібереді.

Айта кетейік, ақпан айында Қырғызстанда жаңа әнұранға байқау жарияланған еді. Байқауға Қырғызстан өз елінен бөлек, көрші елдің сазгерлері, ақындары, музыканттары қатыса алатынын мәлімдеген болатын.