Қырғызстанда 16 жастағы қыздың шашын тақырлап алып, соққыға жыққан

Қырғызстанның Жалалабат қаласында жасөспірім қызды азаптап, күш көрсеткендерге қылмыстық іс қозғалды, деп хабарлайды Orda.kz.

Полиция қызметкерлерінің мәліметінше, 8 қаңтардан 9 қаңтарға қараған түні белгісіз адамдар 23:30-дан таңғы 4:00-ге дейін соққыға жыққан. Соңында қыздың қасы менен шашын тақырлап алып тастаған. Жарақат салдарынан зардап шегуші Өзген аудандық ауруханасына жатқызылды.

Факт ҚК-нің 138-бабы «Ұрып-соғу, азаптау» бойынша қылмыстардың бірыңғай тізіміне тіркелді

Жедел-тергеу іс-шаралары барысында екі күдікті ұсталды. 1988 және 2006 жылы туған Базар-Қорған және Сузақ аудандарының тұрғындары. Манас қалалық сотының шешімімен олар бір айға қамауға алынды.

Сондай-ақ, ІІД ұсталғандардың бірі бұған дейін бұзақылық және алаяқтық фактілері бойынша қылмыстық жауапкершілікке тартылғанын атап өтті.