Қырғызстан билігі азаматтарды әзірге Ресей еліне бармауға шақырды

22 наурызда болған терактке байланысты Ресейдегі мигранттарға қысым күшейді, деп хабарлайды Orda.kz порталы Азаттық радиосына сілтеме жасай отырып. 

Шенеуніктердің сөзіне сүйенсек, Ресей билігі елден кетіп және елге келіп жатқандарға қатаң тексеріс жасап жатыр.

«Қазір Ресей антитеррор шараларын жүргізіп жатыр. Елден шыққан, кірген азаматтарды шекарада тексеру күшейді. Сондықтан елшілік Ресейге кіруді алдын ала жоспарлауға, қатты қажет болмаса Ресейге бармай тұра тұруға шақырады. Антитеррор шаралары қанша уақытқа созылатыны туралы ақпарат жоқ. Кей азаматтар «қара тізімде» бар, олар құқық бұзған болса, елге кіргізілмейді» деді Қадыров. 

Айта кетейік, 23 наурызда Мәскеуге ұшып келген қырғызстандық азаматтар «Шереметьево» әуежайында қамалып қалған болатын.