Құстың кесірінен Қарағандыдан ұшатын ұшақ  бірнеше сағатқа кешікті

23 тамызда сағат 10: 25-ке жоспарланған Fly Arystan авиакомпаниясының Қарағандыдан Анталияға ұшатын рейсі уақытында ұшып кете алмады. Кідіріс 12 сағаттан астам уақытқа созылды, ал 200-ге жуық жолаушы әлі де әуежайда күтіп отыр, деп хабарлайды Orda.kz «За нами уже выехали» телеграм-арнасына сілтеме жасап.

Қарағандыға басқа қалалардан келген адамдар оларға қонақ үй мен тамақ берілмегеніне, ал тасымалдаушы ұшақты ауыстырудан бас тартқанына шағымданады. Жолаушылар Fly Arystan компаниясының әрекетсіздігіне наразы.

Авиакомпанияның өзі түсіндіріп өткендей, Қарағандыға келген соң лайнер құспен соқтығысқан, салдарынан қосымша техникалық тексеру қажеттілігі туындаған. Ықтимал салдарды жою үшін әуежайға инженер жіберілді.

Баспасөз қызметінің хабарлауынша, жолаушыларға сусындар мен ыстық тамақ берілген, бірақ қонақ үй қарастырылмаған, себебі кешігудің себебі «авиакомпанияға қатысты емес».

Әзірге Қарағанды-Анталья FS 7917 рейсі 22: 40-та ұшады деп жоспарлануда.

Еске салсақ, Алматыда жаңа №215 мектептің аралас тілде ашылуына қарсы шыққан белсенді әрі математика пәнінің мұғалімі Дархан Ардақұлы 15 тәулікке қамалды.