Құранда Мәһди жоқ, оған сену қауіпті идея — Досай Кенжетай

Жақында «Sadaq media» арнасына сұхбат берген профессор, философия ғылымдарының докторы, дінтанушы Досай Тұрсынбайұлы Кенжетай Мәһдиге сену — қауіпті идея екенін, ал Құранда Мәһди туралы бірде-бір има жоқ екенін айтып сұхбат берді, деп хабарлайды Orda.kz.

«Мәһди деген сөз — саяси ислам деген сөз. Яғни, Исламның, діннің саясатқа қолданылуы. Бүгінгі бар билікті құлатуға арналған немесе бар биліктегі құндылықтарды құнсыздандыруға арналған бағыт деп айту керек. Исламның өзінде Мәһди туралы има жоқ. Ұғымды қойыңызшы. Има жоқ. Маркс айтады, бүкіл адамзаттың антропологиялық негізін дамытудағы бірден бір дін дейді. Таңқалып отыр. Бүкіл дінде құтқарушы идеясы бар. Мысалы армагеддон теориясы деген қандай теория? Яжүж, мәжүж, ақыр заман келуі, одан Исаның келуі яһудиліктерде христиандарда да, керек десеңіз буддистерде де бар. Исламның өзінің құжаты — құранда Мәһди жоқ. Бірақ өкінішке қарай, құжатында, ақидасында, құранда болмаса да исламның тәжірибесінде мәһди бар», — деді Досай Кенжетай.

Еске сала кетсек, Orda.kz бұған дейін заңсыз миссионерлік қызметі үшін, сот алдында жауапқа тартылған атышулы Дарын Мүбаров туралы жазған болатын.