Құдалық өткізуге, киіт кигізуге, марқұмға ас беруге тыйым салынады

Қырғыз билігі құдалыққа, киітке, марқұмға ас беруге тыйым салмақ, деп хабарлайды Orda.kz. 

Бұл туралы Жоғарғы кеңес мәлімдеді. Бұған дейін депутаттар марқұмның қырық күндік асы мен жыртыс таратуға тыйым салынғанын хабарлаған еді. Енді Жоғарғы Кеңес киітке, құдалыққа, тіпті, марқұмға ас беруге тыйым салмақ.

Жаңа заң жобасы бойынша, марқұм қайтыс болғаннан кейін үш күндік, жеті күндік, қырық күндік және жылдық астары берілмейді. Ал үйлену тойы да ел арасында бәсекелестік туындатқандықтан, тойдағы ысырапшылдықтың да алдын алу көзделген. Үйлену тойға бір ірі қара мал сойып, 250 адамнан аспайтын қатысушымен өткізіледі. Қыз ұзатуға бір ірі қара мал сойып, шақырылатын қонақ саны 100 адамнан аспауы шарт. Сонымен қатар той кезінде құдалық өткізуге және киіт кигізуге тыйым салынды. 

Заң талаптарын бұзған азаматтарға 300 мың сом айыппұл салынуы мүмкін. Ал мейрамхана иелері 591 мың сом  айыппұл төлейді.