ҚТЖ жеке кассадан билеттерді заңсыз қайта сату фактілерін анықтады

Жолаушылар билеттерін заңсыз қайта сату туралы ҚТЖ-ға шағым түсті. ҚТЖ қызметкерлері жұртшылық пен бұқаралық ақпарат құралдарының қолдауымен Алматы-1 вокзалында өз бетінше тексеру жүргізді, деп хабарлайды Orda.kz.

Тексеру барысында билеттерді заңсыз қайта сату және жасанды тапшылық жасау фактілері анықталды. Алаяқтық схемаға жеке касса қызметкерлері мен олардың делдалдары тартылған.

Тергеу материалдары құқық қорғау органдарына берілді. Станса меңгерушісі тергеу барысында қызметінен уақытша шеттетіліп, оның алдағы жұмысы туралы мәселе қаралуда. Жеке кассаның жұмысы тоқтатылды.

ҚТЖ баспасөз қызметі мұндай тексерулер еліміздің барлық вокзалдарында жүргізілетінін хабарлады.