Қожамұратова ісінде 392 құжат жарияланып, 298 жәбірленушіден жауап алынды
Фото: Orda.kz
Арайлым Қожамұратова ісінде 392 іс құжаты жарияланып, 298 жәбіленушіден жауап алынды. Сот сотталушылардан жауап алуды бастады, деп хабарлайды Orda.kz.
Алматы қаласы кәмелетке толмағандар істері жөніндегі мамандандырылған ауданаралық сотында Арайлым Қожамұратоваға қатысты кезекті сот отырысы өтті. Cот отырысында негізінен сотталушылардан, яғни Арайлым Қожамұратовадан жауап алу басталуы тиіс еді. Алайда судья Самал Кеңесова бұған дейін жарияланған 352 іс құжатына қосымша тағы 40 құжат бар екенін айтып, оларды жариялауды ұйғарды.
Сот залына уақытша ұстау изоляторынан 10 сотталушы жеткізілді. Сонымен қатар, үш сотталушы кепілмен босатылып, сот процестеріне қатысып жүр. Еске сала кетейік, бұл іс бойынша Арайлым Қожамұратовадан бөлек тағы 13 адам сотталушылар қатарында. Олардың басым бөлігі — оның жақын туыстары.
Айта кетейік, бұған дейінгі сот отырыстарында Арайлым Қожамұратоваға қатысты 352 іс құжаты жарияланып, 298 жәбірленуші мен 7 куәгерден жауап алынған. Жәбірленушілердің көпшілігі Қазақстанның әр өңірінен болғандықтан, сот отырыстарына негізінен онлайн форматта қосылды.
Іс материалдарын жариялау барысында тіркелген екі дискіде Қапшағай тас жолы бойында орналасқан қоймадан тергеушілер тергеу барысында Қожамұратоваға тиесілі тауарларды үш контейнерге тиеп алғаны көрсетілген.
Қорғау тарапының адвокаты Рышқалиев қоймадағы осы тауарларға қатысты сараптама жасалмағанын айтты. Сонымен қатар, оның сөзінше, үш контейнердегі тауар негізінен жәбірленушілердің жартысына таратылуы тиіс болған, алайда олар бұл тауарды әлі күнге дейін ала алмай отыр.
Судья бұл мәселеге кеңесу бөлмесінде құқықтық баға берілетінін мәлімдеді.
Еске салайық, іс 2023 жылы тергеле бастағанымен, сот процесі тек 2025 жылдың мамыр айында басталды. Айс Мұратова есімімен танымал кәсіпкер Арайлым Қожамұратова Қытайдан арзан тауар әкелемін деп азаматтардан ақша жинап, уәде етілген тауарды жеткізбеді деген күдікпен ҚР Қылмыстық кодексінің 190-бабы 4-бөлігінің 2-тармағы (алаяқтық) бойынша айыпталып отыр.
Келесі сот отырысы 26 ақпанда өтетін болады, Orda.kz сот залынан хабар тартауды жалғастырады.
Оқи отырыңыз:
Жаңалықтар
- Жәнібек Әлімханұлының қанында мельдоний қайдан жүр?: Боксшыға дәрі егілген
- Қарағанды облысында Су-30СМ жойғыш ұшағы апатқа ұшырады
- Қатарлық бизнесмендер қазақтандық Tele2 операторын сатып алу жоспарын айтып берді
- Қожамұратова ісінде 392 құжат жарияланып, 298 жәбірленушіден жауап алынды
- Депутат Эпштейн файлындағы қазақтар туралы шындықты талап етті
- Павлодарда вейп дауымен қызметтен кеткен подполковник өзін ақтап алды
- Қазақстанда мұғалімдер енді мектептен тыс уақытта оқушы үшін жауап бермейді
- Алматы тауларында қар көшкіні кезінде студент қаза тапты
- КХДР ядролық күштерін Ким Чен Ынның 13 жастағы қызы басқарады
- Бейбітшілік кеңесінің ресми сайты іске қосылды
- БҚО-да жол құрылысына бөлінген қаржыны қолды қылған басшылардың тергеуі аяқталды
- Алматыда түні бойы жауған қардың қалыңдығы 17 сантиметрге жетті
- Менни Пакьяо мен Флойд Мейвезер арасында реванш өтеді
- Зорлық үшін сотталған Талдықорғандағы полиция басшысы колониядан арыз түсірді
- Бразилияда су тасқыны салдарынан 30 адам қаза тапты
- ҰҚК «Проблемалық кредиттер қоры» АҚ басқармасының бұрынғы төрағасын ұстады
- Ауа райына байланысты республикалық маңызы бар 2 автожол жабылды
- Мемлекет басшысы Кувейт Әміріне құттықтау жеделхатын жолдады
- АҚШ Ресейге қатысы бар тұлғаларға қарсы жаңа санкциялар енгізді
- Алматыда арнайы жасақ танысын пышақтап ізін суытқан күдіктіні ұстады
