Қонаевта 150 мың гектар жер мемлекетке қайтарылды

Алматы облысында жер ресурстарын басқару комитеті Қонаев қаласы әкімдігі жұмысына жоспардан тыс тексеру жүргізді, деп хабарлайды Orda.kz.

Тексеру барысында қала аумағынан 150 мың гектар жер тұрғын-ойын-сауық кешені мен зообақ салу үшін берілгені белгілі болды. 

«Жер беру кезінде Жер кодексі талаптары бұзылған. Атап айтқанда, жер телімін бөлу қала бас жоспары ережелеріне қайшы келген. Қонаев қаласы әкімдігіне берілген нұсқама белгіленген мерзімде орындалмаған.Осыған байланысты прокуратура Қонаев қаласының сотына талап арызбен жүгінді»,  деп хабарлады комитет.

Сот істі қарап, талап арызды толық қанағаттандырды. Нәтижесінде коммерциялық мақсатқа берілген жер телімі мемлекет меншігіне қайтарылды.

Еске сала кетейік, Түркістан облысында 20 жастағы алаяқ жасөспірімдерді Garena Free Fire ойыны арқылы алдаған.

Оқи отырыңыз:

• Дубайда қырғын болғаны рас па? Х желісі қарулы қақтығыстар туралы фейк видеолармен күрес бастады
• Қазақстанда қанша әйел мұғалім бар?