Колумбия президенті Израильмен дипломатиялық қарым-қатынасын үзетінін жариялады

Президент Густаво Петро Колумбия Израильмен ресми түрде дипломатиялық қарым-қатынасын үзеді деп хабарлады.

Ол Халықаралық еңбекшілер күніне арналған шеруде мәлімдеме жасады.

«Міне, сіздердің алдарыңызда өзгерістер үкіметі тұр және республика президенті ертең Израиль мемлекетімен дипломатиялық қарым-қатынастар үзілетінін жариялайды, өйткені оларды геноцидтік үкімет пен президент басқарады»,- деді Петро.

Бұған дейін Колумбия үкіметі Израиль мен Газа секторы арасындағы соғысқа наразылығын білдірген болатын. Олар «Палестина халқының қауіпсіздігін» талап ететін мәлімдемемен Гаагадағы Халықаралық сотқа шағымданды.