ҚазҰУ студенті тауда өз-өзіне қол жұмсады – дереккөз

Әл-Фараби атындағы Қазақ ұлттық университетінің екінші курс студенті өз-өзіне қол жұмсады, деп хабарлайды Orda.kz.

Дереккөздің мәліметінше, ол Биология және биотехнология факультеті «Нейроғылым» мамандығы бойынша оқыған. Қарағандыдан Алматыға келіп, №14 жатақханада тұрған. Алдын ала мәлімет бойынша, студент кеше жоғалып кеткен, кейінірек оның денесі таудан табылған.

Orda.kz бұл ақпаратты растау үшін Алматы қалалық ТЖД мен полиция департаментіне сауал жолдады.

Еске салайық, бұл ҚазҰУ студенттері арасында тіркелген алғашқы жағдай емес. Шілде айында шығыстану факультетінің бірінші курс студенті өз-өзіне қол жұмсап, ректораттың 14-қабатынан секірген еді.

Полиция қылмыстық іс қозғады, ал құзырлы органдар оқиғаның себебін отбасылық жағдайлармен байланыстырды.