ҚазҰУ-дағы жанжал: жұмыстан қуылған мұғалім ісіне министр араласты

Ғылым және жоғары білім министрі Саясат Нұрбек бұған дейін университет басшылығын сынаған журналистика факультетінің оқытушысы Дастан Қастайды жұмыстан босатпауға көндіргенін айтты.

Бәрі мұғалімнің ашық хатынан басталды. Ол Facebook парақшасында еш себепсіз жұмыстан шығарылғанын және университет оқытушыларға қысым көрсетіп жатқанын мәлімдеді. Барлығы ҚазҰУ-да Кемел Тоқаев атындағы аудиторияның ашылуынан кейін болған. Салтанатты шара барысында университет ректоры Жансейіт Түймебаев оқиғаны жазып жүрген журналистпен жанжалдасып қалды.

Түймебаев Кемел Тоқаев президенттің әкесі болмағанда мұндай аудитория ашылар ма еді деген сұрақ барысында Азаттық тілшісінің микрофонына жабысты. Мұғалім бұл туралы әлеуметтік желіде жазба жазып, оқиғаны «жағымсыз» деп атады. Жазбаны көрген ректордың көмекшілері  өшіруді талап еткен.

Сонымен қатар, университет басшылығы оқытушылар құрамын аудиторияның ашылуына «ыңғайсыз» журналистерді шақырды деп күдіктенеді. Ол күдікке Қастай да  іліккен. Осыдан кейін, оның айтуынша, оқытушылық жұмысқа қабылдау үшін тапсырған құжаттарыкері  қайтарылған.

Ұстаздың әлеуметтік желіде сипаттаған оқиғасына ғылым министрі Саясат Нұрбек жауап берді. Ол Facebook парақшасында Қастайдың ҚазҰУ-да жұмысын жалғастыратынын жазды.