Қазақтелеком «Алтел» мен «Теле2» катарлық холдинке сатты

«Қазақтелеком»  Altel мен Tele2 ресми түрде сатты. Брендтердің жаңа иесі катарлық Power International Holding конгломераты, деп хабарлайды Orda.kz. 

Бұл туралы Қазақстан қор биржасы (KASE) мәлімдеді.

«АҚ «Қазақтелеком» 2025 жылғы 14 қаңтарда «Мобайл Телеком-Сервис» ЖШС-нің жарғылық капиталындағы 100% үлесін PIH Communication LLC пайдасына сату бойынша келісім аяқталғанын хабарлайды» деп жазылған KASE сайтындағы хабарламада.  

Мәміле сомасы ресми түрде жарияланған жоқ. Бұған дейін цифрлық даму министрі Жасұлан Мәдиев оны 530 млрд теңгеге бағалаған болатын. Келісім 100% аяқталды.

Бағдат Мусин бұған дейін Қазақстандағы «Билайннан» басқа барлық операторлар «Қазақтелекомға» тиесілі болғандығын айтқан болатын. Мусиннің айтуынша, нарықтағы жаңа бәсекелестің пайда болуы отандық операторларды қызмет құнын төмендетіп қана қоймай, олардың сапасын арттыруға да мәжбүр етеді.