Қазақстанның үздік теннисшісі турнирдің ширек финалына шықты

Қазақстандық теннисші Aнна Данилина жұптық рейтингте қазақстандық спортшылар арасында ең жоғары орында тұр. Ол АҚШ-тағы Indian Wells Masters турнирінің ширек финалына жолдама алды, деп хабарлайды Orda.kz.      

Қазақстандық спортшы сербиялық Александра Круничпен жұптасып, украиналық Людмила Киченок пен америкалық Дезираэ Кравчик дуэтін 6:4, 6:1 есебімен жеңді.

Кездесу барысында қазақстандық және сербиялық теннисшілер екі эйс жасап, төрт қос қателік жіберді және 11 брейк-пойнттың төртеуін тиімді пайдаланды. Матч 1 сағат 13 минутқа созылды.

Айта кетейік, 1/16 финалда Aнна Данилина мен Александра Крунич америкалық Слоан Стивенс пен хорватиялық Донна Векич жұбын 6:3, 6:3 есебімен жеңген болатын.

Қазақстан-Сербия дуэтінің келесі қарсыластары Хейли Батист (АҚШ) және Елена Остапенко (Латвия) жұбы және Мирра Андреева (Ре с ней) және Виктория Мбоко (Канада) арасындағы матчтан кейін анықталады.

Еске салайық, биылғы маусымда Aнна Данилина мен Александра Крунич ашық турнирдің финалына дейін жетіп, сондай-ақ Дохада өткен WTA 1000 санатындағы турнирде жеңіске жеткен еді.

Оқи отырыңыз:

• Елена Рыбакина теннисті дамытуға қосқан елеулі үлесі үшін орденмен марапатталады
• Алматы әкімдігі сотта теннис орталығын салу ісін жеңді
• Рыбакина тарихта тұңғыш рет Қазақстанды WTA финалына шығарды
• 17 жастағы Заңғар Нұрланұлы AusOpen бастала салысымен тарихи нәтижеге жетті