Қазақстанға дәрілер көбірек әкеліне бастады

Еліміздегі дәрілік заттардың импорты көлемдік мәнде 9%-ға өсті, бірақ ақшалай түрде 3%-ға төмендеді.

Биылғы жылдың қаңтар-шілде айларының қорытындысы бойынша елімізге жалпы құны 791,8 млн АҚШ доллары болатын 15,8 мың тонна дәрі-дәрмек импортталды, деп хабарлайды Energyprom. Физикалық мәнде импорттың өсімі 8,8%-ды құрады. Бұл ретте ақшалай түрде 2,5%-ға қысқару тіркелді.

Есепте ТМД елдерінен 72,1 миллион долларға 4,8 мың тонна дәрі-дәрмек әкелінгені атап өтілді. Мұнда импорттың негізгі көлемін Ресей қамтамасыз етті: 3,5 мың тонна – бір жыл бұрынғыдан 5,7%-ға аз.

ТМД-дан тыс елдерден Қазақстан 719,7 млн ​​АҚШ доллар болатын 11,1 мың тонна дәрі-дәрмек импорттады. Мұнда Қытай негізгі жеткізуші болды: 2,3 мың тонна дәрі – өткен жылдың қаңтар-шілде айларымен салыстырғанда 15,5%-ға артық.

2023 жылдың қаңтар-тамыз айларында елде 96,3 млрд теңгенің фармацевтикалық өнімдері өндірілді, бұл бір жыл бұрынғыдан құндық мәнде 8,3%-ға аз.

Негізгі фармацевтикалық өнімдер өндірісі 4 млрд теңге (плюс 69,2%), фармацевтикалық препараттар мен медициналық материалдардың өндірісі – 92,3 млрд теңгені (минус 10,1%) болды.

Өңірлер бойынша өнім шығарудың ең көп көлемі Шымкентке тиесілі: 29,7 млрд теңге, бір жыл ішінде минус 21,8%. Үздік үштікке Алматы облысы (27,8 млрд. плюс бір жыл ішінде 1,4%) және Алматы (17,3 млрд, плюс 27%) кірді.

Биылғы жылдың қыркүйек айында дәрі-дәрмектің, медициналық техниканың және құрал-жабдықтардың бағасы жылдық мәнде 12,4%-ға өсті.

Өңірлер бойынша сектордағы бағаның ең көп жылдық өсімі Ақмола облысында байқалды: 22,3%-ға. Алғашқы үштікке Солтүстік Қазақстан облысы (плюс 20,3%) және Алматы (плюс 17,1%) қалалары кірді. Ең аз жылдық баға өсімі (5%)  Түркістан облысында байқалды.