Қазақстандықтардың Оңтүстік Кореядан ерікті түрде шығатын мерзімі ұзартылды

Қазақстан Республикасы еңбек және халықты әлеуметтік қорғау министрлігі Оңтүстік Кореяда заңсыз жүрген Қазақстан азаматтары осы жылдың ақпан айының соңына дейін елден ерікті түрде айыппұлсыз және қайта кіруге тыйым салынбай шығуына мүмкіндік бар екенін мәлімдеді, деп хабарлайды Orda.kz.      

Алайда бұл талап қылмыстық құқықбұзушылық жасаған, мәжбүрлі түрде елден шығарылуға жататын азаматтарға, сондай-ақ 2025 жылғы 1 желтоқсаннан кейін заңсыз тұру мәртебесіне өткен тұлғаларға қолданылмайды.

Бағдарламаға қатысу үшін Кореяның көші-қон органдарына ұшардан 3–15 күн бұрын өтініш беріп, жарамды төлқұжат пен әуе билетін ұсыну қажет.

Еске салсақ, 1-ақпанда шетелдік бұқаралық ақпарат құралдарында Оңтүстік Кореядағы зауытта болған өрттен кейін  Қазақстан азаматы жоғалып кеткені туралы ақпарат тарады. Аталған жағдайға Қазақстан Республикасы Сыртқы істер министрлігінің баспасөз қызметі түсініктеме берді.

Оқи отырыңыз:

• Алматы облысында Кореяға жұмысқа орналастыратын арнайы орталық ашылады 
• Қазақстандықтардың Оңтүстік Кореяда заңды жұмыс істеуіне рұқсат етіледі
• Оңтүстік Корея елдегі орман өртін – ұлттық апат деп жариялады