Қазақстандықтарды цифрлық бақылауда ұстап, салығын есептейтін жүйе құрылды

Мемлекеттік кірістер комитеті салықтық және кедендік мәселелерді жеңілдету мақсатында Smart Data Finance деректер жүйесін құрды, деп хабарлайды Orda.kz. 

Қаржы министрлігіне қарасты жүйе бойынша бір адам туралы дәйекті дерекке қол жеткізуге мүмкіндік беретін қор құрылған. Жүйе деректерді өңдейді, тексерілген және өзекті мәліметтерді комитеттің басқа жүйелеріне ұсынады және салықтық бұзушылықтарды анықтайды. 

Жүйе жұмысының арқасында инспектордың көмегінсіз жылжымайтын мүлік пен көлік құралдары бойынша біріктірілген салық автоматты түрде есептелген. 

Сондай-ақ, Smart Data Finance-те 569 мың заңды тұлға мен 1,8 млннан астам жеке кәсіпкердің деректері тіркелген. 

Smart Data Finance құмар ойынға бәс тігетіндердің де қаражатын есептеп отырады. Жүйе  ойынқұмарлардың барлық ұтыстарын нақты уақыт режимінде бақылап, салықтардың толық төленуін қамтамасыз етуге мүмкіндік береді.

Сонымен қатар, көлеңкелі экономикамен күресу мақсатында жеткізушілер тізбегін 15 деңгейге дейін қадағалау моделі іске асырылған. Бұл мониторингке, ашықтықты арттыруға көмектеседі.

Айта кетейік, жаңа Конституция жобасы туралы жалған ақпарат таратқан алматылыққа айыппұл салынды.