Қазақстанда Telegram өз кеңсесін ашады

Қазақстанда Telegram платформасының өкілі тағайындалып, олардың кеңсесі ашылатын болды, деп хабарлайды Orda.kz.

Цифрлық даму министрі Жасұлан Мәдиев бұл туралы АҚШ сауда палатасымен және Meta, Apple сынды ірі америкалық компания өкілдерімен кездесу барысында айтты.  Сонымен қатар, деректердің қауіпсіздігі, жалған аккаунттармен күрес және пайдаланушы құқықтарын қорғау секілді маңызды мәселелер талқыланды.

«Telegram-мен олардың өкілін тағайындау және кеңсесін ашу туралы келісімге келдік — бұл контентті бақылауды күшейтудегі маңызды қадам», — деді министр.

Мәдиевтің айтуынша, министрлік Telegram-мен тығыз жұмыс істеп, заңсыз контентті жедел түрде жою және деструктивті арналарды бұғаттау бойынша шаралар қабылдап келеді. Сонымен қатар, Қазақстан заңнамасына сәйкес, Telegram, WhatsApp және TikTok секілді интернет платформалар енді Қазақстанда өз өкілдерін тағайындауға міндетті.